ఈ ఆదివారం ఈనాడు బుక్ “ఈ వారం ప్రత్యేకం” శీర్షికలో మనం ఎందులో ప్రపంచ పటంలో మొదటి
స్థానంలో ఉన్నామో చాలా చక్కగా చెప్పారు. బ్రిటీషువారి
బానిసత్వం నుంచి
బయటపడిన అరవై ఏళ్లలో ఇన్ని రంగాలలో మనం ముందు ఉంటే........ మరి మనం మిగతా
బానిసత్వాల నుంచి కూడా విముక్తి పొందితే....... ప్రపంచంలో ప్రతీ రంగంలోనూ మనదే మొదటిస్థానం......
అందులో సందేహించాల్సినది ఇసుమంతైనా లేదు అని నాకనిపిస్తుంది.
బానిసత్వాలా ..... అదేంటి? మనం ఇంకా బానిసత్వంలో ఉన్నామా?
అవును...... మనం ఇంకా బానిసత్వంలో
ఉన్నాము.........
అదేంటి మనం బానిసత్వంలో ఉన్నాము
అంటున్నావ్?
మనం బానిసత్వం
నుంచి బయట పడి ఆరవై ఏళ్ళు పైబడింది
కదా....
అవును మనం రెండువందల ఏళ్ళు బానిసత్వంలో
గడిపి,
తెల్లవాళ్ళను మన
దేశం నుంచి తరిమేసాం కరక్టే, కానీ ఆ తరవాత మనం చాలా వాటికి బానిసలమైపోయాం, మరి రెండువందల ఏళ్ళు అలవాటు పడిపోయాము
కదా,
ఏదో ఒక దానికి
బానిసలుగా ఉండకుంటే మనకు రోజు గడవడం కష్టం.
అదేంటి బానిసత్వం నుంచి బయటికి వచ్చాము
అంటావ్ మరీ బానిసలమైయిపోయాము అంటావ్ ఏంటి బాబు
ఈ కన్ఫ్యూజన్ మాకు...
ఈ అరవై ఏళ్లలో మనం కొన్నింటికి మానసికంగా
దాసోహం అయిపోయాం, ఎంతగా అంటే ఒక్కోకటీ ఒక మానసిక రుగ్మతగా మారి మన జీవితాలను
శాసించేన్తగా......
*****
మనిషి సంఘజీవి.... సంఘoలో మనిషి తన దైనందిన జీవితంలో సౌకర్యంగా
ఉంటుందని తలచి మొదలు పెట్టిన వ్యవస్థ కులవ్యవస్థ.... అది
ఒక సాంఘిక కట్టుబాటుగా
మొదలై మనిషికీ మనిషికీ మధ్య గోడ లా మారింది.
చేసే వృత్తి ఆధారంగా విభజించబడి మొదట
నాలుగు వర్ణాలతో మొదలై, నాలుగో వర్ణం నుంచి పంచమవర్ణం పుట్టి అలా అలా దాదాపు రెండు వేల
సంవత్సరాలలో సమాజంలో వస్తూన్న మార్పులకు అనుగుణంగా, పుట్టుకొస్తూన్న కొత్త కొత్త వృత్తులను
చేర్చుకొంటూ ఎన్నో చీలికలతో, చిలవలు పలవలుగా ప్రతీ వర్ణం విభజించబడింది, ఇప్పుడు లెక్కపెడితే మనకు వర్ణాలకు
అంతేలేదు. కానీ ఇదంతా మధ్యయుగాల వరకే....
మధ్యయుగాల తరవాత మన కులవ్యవస్థలో మార్పు
నిలిచిపోయింది,
సమాజంలో వచ్చిన, వస్తూన్న మార్పులకు అనుగుణంగా మన కుల
వ్యవస్థలో మార్పులు జరగడం ఆగిపోయింది.
మధ్యయుగం తరవాత అంటే ఇప్పుటి ఆధునిక
కాలానికి అనుగుణంగా మన కులవ్యవస్థలో మార్పులు వచ్చి ఉంటే, మా నాన్న కులం ఉద్యోగస్తుల కులం. ప్రధానంగా అందులో ప్రభుత్వ ఉద్యోగస్తుల
కులం అన్నది ఒక తెగ. ఆ తెగ లో రాష్ట్ర ప్రభుత్వ ఉద్యోగస్తులు అనే మరో చిన్న వర్గం అనీ, నేను నాకులం ఉద్యోగస్తుల కులం అందులో మరొక తెగ ప్రైవేటు ఉద్యోగస్తులు అనీ, అందులో మళ్ళీ సాఫ్ట్ వేర్ ఉద్యోగస్తుడు
అన్న చిన్న వర్గం, అందులో ఇంకా లోతుగా వెళితే NRI సాఫ్ట్ వేర్ వర్గం అని చెప్పుకొని
ఉండాలి.
ఏంటి కామెడీ........ప్రభుత్వ, ప్రైవేటు ఉద్యోగస్తుల కులమేంటి? అందులో చిన్న తెగలు, వర్గాలు ఏంటి?
మన కుల వ్యవస్థకు మనం చేసే వృత్తే
ప్రాతిపదిక అయితే, మరి నేను చెప్పినదాంట్లో తప్పేంటి? మనం చెయ్యని వృత్తి మన కులం ఎలా
అవుతుంది?
చెయ్యని వృత్తిని కులం గా చెప్పుకొంటూ, ఇంకొకడికంటే తామేదో గొప్ప అని కేవలం కుల
ప్రాతిపదికగా చెప్పుకొంటూ, పేర్ల వెనకాల కులం పేర్లు తగిలించుకొని, మనిషికీ మనిషికీ మధ్య కేవలం కుల ప్రాతి
పదిక మీద తేడాలు చేస్తూ, ఎప్పుడో వందల ఏళ్ళ వెనకాలే ఎదుగుదల ఆగిపోయి కాలం చెల్లిన వ్యవస్థ ను
అపురూపంగా చూసుకొంటూ బ్రతుకుతున్న మన ప్రస్తుత పరిస్థితి చూస్తే, మనం దానికి ఎప్పుడో బానిసలమైపోయాము
అనడంలో నిజం లేదా?
ఎన్నికలలో మనం ఓటు వేసేది మన కులపోడికి, ప్రభుత్వ కార్యాలయాలలో మన కులస్తుడు అంటే
పనులు చక చకా జరిగి పోతాయి, మన కులస్తుడు బాగా డబ్బున్నోడైతే మనం గొప్పగా ఫీల్ అవుతాం, మన కులపోడు తప్పుచేస్తే అది ఒక తప్పేకాదు
మనకు,
మన కులపోడే ఎప్పుడూ
ముఖ్యమంత్రి కావాలి, ఒక నటున్ని అభిమానించాలంటే కులమే ప్రాతిపదిక మనలో చాలా మందికి.....
వావ్........ యిలా చెప్పుకొంటూపోతే ఎన్నో......
పరాకాష్ట ఏంటంటే...... వేమన మా కులస్తుడు, కృష్ణదేవరాయలు మాకులస్తుడు.... ఈ పైత్యం
ఎక్కువయ్యింది ఈ మధ్య.... ఆ మహానుభావులకు మన మూర్ఖత్త్వాన్ని ఆపాదించి గొప్పగా
ఫీల్ అవ్వడమంటే ఇంతకన్నా నిదర్శనం కావాలా కులవ్యవస్థకు మనం ఎంత బానిసలమైపోయామో
చెప్పటానికి.
అసలు ఈ అరవై ఏళ్లలో కులం అన్న దాని అవసరం, ప్రభావం తగ్గించే ప్రయత్నం ఏదన్నా
జరిగిందా?
తగ్గించే కంటే
పెంచే ప్రయత్నమే ఎక్కువ జరిగిందనుకుంటా.... యిప్పటి ఓటు బ్యాంకు రాజకీయ వ్యవస్థకు
ముఖ్య ఆయుధం కులం. ఇంక కుల వ్యవస్థ ప్రాధాన్యం ఎక్కడ తగ్గు తుంది, కుక్క బిస్కెట్ పథకాలకు ఆశపడుతూ, కుల ప్రాతిపదికన ఓటు వేస్తూ వెళితే ఇది
ఇలాగే ఇంకా పెరిగి కొంతమందికి అధికార, ధనసంపాదన మార్గంగా ఇలా వర్దిల్లుతూ, వీలైనంత వికృతంగా పెరుగుతూనే ఉంటుంది.
రిజర్వేషన్ వ్యవస్థకు ముఖ్య ప్రాతిపదిక
కులం.
అది ఎంత వరకూ
సక్రమంగా అమలయ్యింది.... ప్రజలను సామాజికంగా, ఆర్థికంగా అభివృది పరచాలంటే అరవై ఏళ్ళు
సరిపోవా.... ఇన్నిసార్లు మన రాజ్యాంగంలో దాన్ని సవరించ వలసిన అవసరం ఉందా?..... అభివృద్ధి చెందకూడదు అని మన ఓటు బ్యాంకు
రాజకీయ వ్యవస్థ నిర్ణయిస్తే అందుకు మనం తల ఆడిస్తూ మరీ మరీ అదే కుల ప్రాతి పదిక
మీద మన నాయకులని ఎన్నుకొంటూ పోతే ఆరువందల ఏళ్ళు కూడా సరిపడవు అందులో నుంచి బయటికి
రావడానికి మనకు...
స్కూల్ లో పిల్లవాడిని చేర్పించాలంటే అప్లికేషను
కులం,
మతం ప్రస్తావన
ఎందుకొ అర్థం కాదు...
ప్రభుత్వ కార్యాలయాలకు సంభందించిన ఎన్ని
పత్రాలలో కులం,
మతం ప్రస్తావన ఉంది? ఎందుకుండాలి?
ప్రైవేటు విద్యాలయాల అప్లికేషన్లలో కుల, మత ప్రస్తావన ఉంది?..... ఎందుకు?.....
మనిషే మనిషిని మనిషిగా గుర్తింపచెయ్యలేని
వ్యవస్థ మీద మనకు మక్కువ ఎక్కువ.
ఇక తరవాత వరసలో ఉంది డబ్బు...... డబ్బు
అదికూడా మన సౌకర్యం కోసమే పుట్టింది, కానీ మన జీవితం ప్రతీక్షనమూ దాని
నియంత్రణలోనే ఉంది యిప్పుడు...... డబ్బు ఉన్న వాడే కింగు.... అది ఎలా వచ్చిందో
ఎవరికీ అవసరం లేదు.....ఎన్ని తప్పుడు మార్గాలలో సంపాదించాడో అవసరం లేదు... ఎంత సంపాదించాడు
అన్నదే పాయింట్, ఇక దానికి తోడు ఆ అక్రమార్కుడు మన కులపోడైతే....... ఇంద్రుడూ.....
చంద్రుడూ.....భలాదూర్.... అన్నీ మావాడే.....
వీటి తరవాత వరసలో ఉంది టీవీ
సీరియళ్ళు........
కులం అన్నావు... సరే..... డబ్బు
అన్నావు.... సరే.... రాజకీయవ్యవస్థ అన్నావు.... ఓకే..... టీవీ సీరియళ్ళు ఏమిచేసినాయి
బాబూ.... అదే మనకున్న ఓకే ఒక్క ఎంటర్టైన్మెంట్ కదా......
ఓకే ఒక్క ఎంటర్టైన్మెంట్........ అని
చెప్పడం లోనే ఉంది కదా మనం ఎంత బానిసలమో వాటికి.......
రియాలిటీ షోలు వదిలెయ్యండి....
ధారావాహికల గురించి నేను చెప్పేది..... ఎలా చూస్తున్నారో, చూసి ఎలా భరిస్తున్నారో ఆ రోత.....
పిల్లలకూ బలవంతంగా వాటినే చూపించి ఇళ్ళల్లో ఇలాంటి కుట్రలూ కుతంత్రాలూ సహజమే
అనేట్టు తయారుచేస్తున్నాం వాళ్ళని.... కొంతమంది ఒక రోజు ఒక ఎపిసోడు చూడటం జరగకపోతే
జీవితంలో ఏదో కోల్పోయామన్నంత హడావిడి చెయ్యడం చూస్తే..... నాకు అది ఎంటర్టైన్మెంట్
అనిపించడంలేదు అదో మానసిక రుగ్మత అనిపిస్తుంది..... ఆ అర్థం లేని నిరంతరధారకు మనం
బానిసలమయిపోయాం అనిపిస్తుంది........ఈ ఒక్క విషయంలో IPL
కు థాంక్స్
చెప్పవలసిందే కొంతవరకూ.......
ఎంత వరకూ?......
దానికీ మనం బానిసలం కాకున్నంత వరకూ.......
అ... అ.... ఆ.... ఏవిటీ.......ఆల్రెడీ
అయ్యామా....... గోవిందో..... హరి........
ఐనా అది స్పోర్ట్స్ కదా పరవాలేదులెండి, అదీకాక సీజనల్ కదా.....
ఇకపోతే ప్రాంతీయతత్వం..... ఏమిచెప్తాము
చెప్పండి... దీనికి ఒక హద్దు, అంతూ లేదు.... తూర్పు.....పడమర......ఉత్తరం.....దక్షినం....... చారిత్రకం....... రాజకీయం...... ఏదన్నా కావచ్చు
ప్రాతిపదికం......... ప్రాంతీయతత్వానికి ఎప్పుడూ బానిసలమే మనం......
ఇలా చెప్పుకుంటూ పోతే......
సెల్లు ఫోను...... ఇది ఒక్కటి చేతిలో
ఉంటే చాలు..... ఎంత సమూహంలో ఉన్నా ఒంటరివారమే...... దానికి సమాధానం చెప్పటమో, లేక దాన్ని ఎంటర్టైన్ చెయ్యడమో..... ఈ
రెండే మన పనులు.... పక్కన ఏమి జరుగుతోందో అవసరం లేదు......మన కోసం, మన చేత పుట్టిన అది ఎప్పుడో మనల్ని
జయించేసింది.....
ఇంటర్నెట్, పేస్ బుక్కు.......యువతరం అంతా టెక్నాలజీ
బానిసలు......
*****
నువ్వు మరీ చెపుతున్నావు బాబు..... మరీ అంతలేదులే.....
అంటారా....
ఎంత అనేది నేను చెప్పలేను, అది ప్రతిఒక్కరూ తమకు తామే
చెప్పుకోవలసిన సమాధానం.....అంతే.
*****
ఎవరో వస్తారని........ ఏదో
చేస్తారని..... ఎదురుచూసి మోసపోకుమా...... నిజము మరచి నిదురపోకుమా......